Toppen med det koselege namnet ligg på 1232 moh. på nordvestsida av Fortunsdalen. Turen hit gjev deg fantastisk utsikt mot Hurrungane og Mørkrisdalen. Stien startar ved garden Yttri og tek omlag 6 timar tur-retur.

Du skal opp ca. 1100 høgdemeter. Fyrst i slakt terreng som blir brattare inne i granskogen. Over tregrensa kjem du til stølen Lønningen på ca. 700 moh.

På toppen er det ein stor varde og herifrå kan du sjå Tverrådalskyrkja (2088 moh.) og Tundradalskyrkja (1970 moh.) i Breheimen. Meir informasjon finn du her.