På ein varm sommardag er det vanskeleg å sjå føre seg korleis det var å bu på ein så avsidesliggande stad året rundt. Men her har det vore gardsdrift sidan midten av 1600-talet og heilt fram til 1960-talet.

Turen opp frå Fortun tek omlag 1-1,5 timar. Parker ved Fortunsdalen besøkssenter og fylg sti og grusveg gjennom det bratte landskapet. Hugs å late att grinder og ta omsyn til dyr på beite. Frå Berdalen startar du på 1300 moh. Herifrå tek det omlag 2,5-3,5 timar ned til Fuglesteg. Stien fylgjer Berdalselvi, fyrst i høgfjellet og vidare gjennom skogen. Meir informasjon finn du her.

På Fuglesteg er det 31 sengeplassar. I helgane frå midten av mai til midten av september er det open kafé med enkel servering i steinstova.