Fuglesteg
Høge natursteinsmurar og frodige torvtak kjenneteiknar høgdegarden Fuglesteg. Hit kan du gå på dagstur frå Fortunsdalen besøkssenter eller oppe frå Berdalen. Dette vakre området er også fint som utgangspunkt eller avslutning på ein lengre tur frå hytte til hytte.
Ormeli
Ta turen opp til Ormeli og opplev Noregs eldste fleirstølsbruk. Denne vakre høgdegarden ligg i eit heilt spesielt kulturlandskap, og du kan fylgje fleire vakre stiar og vegar for å kome dit.
Krukla
Uteområdet ved Fortunsdalen besøkssenter er eit fint utgangspunkt for fleire turar, men også ei oppleving i seg sjølv. Her kan du klivre på steinen som det blir sagt at engelskmennene øva seg på før dei fekk klatre i tindane i Hurrungane. Du kan tenne bål og slappe av i gapahuken, lære meir om natur- og kulturhistoria vår, eller utfordre balansen i leikeparken.
Tussen
Toppen med det koselege namnet ligg på 1232 moh. på nordvestsida av Fortunsdalen. Turen hit gjev deg fantastisk utsikt mot Hurrungane og Mørkrisdalen.
Wittgenstein-huset
Ein verdskjend filosof fann inspirasjon i Fortunsdalen. Ludwig Wittgenstein (1889-1951) var i området i fleire periodar frå 1913. Frå 1914 hadde den austerrisk-britiske filosofen eit hus ved Eidsvatnet. Her fann han roa han trengde for å skrive.
Urnes stavkyrkje
Eit av Noregs mest verdifulle kulturminne finn du i Urnes, 36 km. frå Fortun. Det forseggjorde og rikt utsmykka trebygget er den einaste stavkyrkja på Unesco i verdsarvliste
Store Soleiebotntinden
Vil du til topps i Jotunheimen, er Store Soleibotntinden (2083 moh.) ein forhaldsvis enkel tur som ikkje krev klatring.
Fannaråken
Kva med å ete middag 2068 moh.? På toppen av Fannaråken ligg Fannaråkhytta. Inga anna overnattingshytte i Noreg ligg høgare oppe.
Store Skagastølstind
Dette legendariske fjellet i Hurrungane er mest kjent som Storen. Med sine 2405 moh., er dette Noregs tredje høgaste fjell. For å kome deg hit bør du vere i god fysisk form og ha klatreerfaring.